Ślōnski roztomajtości do tych, co przajom ślōnskij godce!
Korpo, roztomiyłe korpo… Czelendże, tajmingi i dedlajny. Ale ku tymu – moc ciekawych ludzi z roztomajtych krajów! To mi je zocne boch je dociyrno i lubia se posłuchać jako to je w inkszych krajach Europy abo kapka dali, za oceanem. Jako że mom te szczęści robić w otoczeniu fest międzynarodowym, podziela sie moimi spostrzeżeniami.
MeksykanieIdōm na piyrszy ogiń bo miałach nojwiyncy ciekawych zdarzyń z nimi. Roz że jedyn mie napasztowoł i sie zdało że trza bydzie go zgłosić do kadr bo robiyło sie to fest niecherski. Na szczęści sie usiotoł, stykło pogrozić. Potym znajomo kiero tworzy se w życiu telenowele wszelakij maści. A to kochankowie – samobójcy, a to nieszczęśliwe miłości, cygaństwa, przekręty i sztyjc jakiś łostudy… Continue Reading…
Czujesz sie niechersko, ciōmpy lecōm z nosa i biere cie ryma? Nic yny zakolegować sie z miodym! Miód mo działani wzmacniające i nikiere bakteryje zwalczo lepszy niż antybiotyki. Beztuż jak se chcesz wzmocnić odporność abo wylyczyć kuckani to miód ci na zicher pomoże. O inkszych knifach poczytej tu.
Na kaj jaki niecherskości ganc procnie podziało miód spadziowy. Ku tymu je fest wartościowy skuli tego że mo kupa pierwiastków, aminokwasów i białek. Tyn miodzik je najzdrowszy ze wszyskich ale w odróżnieniu do miodów nektarowych tyn biere sie od mszyc… Ale o tym za moc nie byda rozprawiać, zdrowy je i fajrant 😉 Continue Reading…
Na film wybrałach sie w babskim towarzystwie ale mi sie zdo że lepszy by było iść z chopym. Jak obejrzysz film to sie kapniesz czamu 😉 Continue Reading…
Skuli roztomajtych problymów w życiu, jakiś czas tymu fest sie zainteresowałach tom całōm uważnościōm co to je tako modno ostatnio. Nasztudyrowałach sie o tym kupa i godōm Ci – działo. Jak chciołbyś być spokojniejszy i rady z życio to mom pora procnych knifów kiere na zicher sie sprzidajōm. Obocz. Continue Reading…
Wszyjscy by my chcieli żyć długo a szczęśliwie ale tak rychtyk roztomajcie to bywo z tym spokojem i szczęśliwościōm. Ale, ale! Je kupa rzeczy kierych możesz nie robić coby sie lepszy żyło. Jo uważōm że te piyńć je jednymi z nojważniejszych.
Co Ci to do? Uwaga, uwaga… Psinco. Trza yny wyciągać wnioski ze wszyskigo i tela. To co je tak rychtyk ważne to je TYN MOMENT. To wszysko co mosz i nie zaprzepaść se tego rozmyśliwaniym o błędach abo kabociorzach z przeszłości.
Nie kombinuj tela. Co kiery powiedzioł, jako kiery odebroł co pedziałaś Ty, co tamtyn mioł na myśli, czy tamta sie aby nie obraziyła? Smooool to. Swoja energia przeteguj na tryning, czytani ksiōnżki, naworz co dobrego… Wszysko je lepsze niż myśleć za moc.
3. Obwiniani sieWszyscy popełniomy błędy. I tela w tymacie.
Po co, na co? Bydziesz widzieć, za pora miesiyncy ani nie bydziesz pamiętać o niecherskij rozmowie z szefem. W geszefcie je długo raja do kasy? No i szyjn, możesz se na chwila pomedytować i skupić na oddechu. Twój facet zaś ciepnył fusekle na zola zamiast do kosza? Dej pokój, niech leżōm.
Szkoda życio na haje o duperszwance!
Zmiany som dobre i potrzebne! Dużo uczōm i zmieniajōm życi na lepsze. Na początku sie zdo że to jakiś pierzińśtwo ale bydziesz widzieć – wszysko sie dzieje po coś! I dobrze że sie dzieje… Continue Reading…
Beztuż że zacznył sie ganc świąteczny czas pogodōm Wom jako to obchodzymy święta u nas w doma. Continue Reading…
Beztuż że momy środek zimy i co chwila kieryś chodzi niecherski i smarkaty, najwyższy czas zacznyć sie retować imbirym bo to je blank zdrowy korzyń i pomogo niemrawym lebiodōm. Jak nie chcesz coby Cie brały niecherskosci, to zezwór i miód dziynnie to je mus.
1. Rozgrzywo! Do mie to je wybawiyni w te zimowe dni jak wieje, padze śniyg i temperatura je na minusie. Zezwór w kuchyni je sztyjc pod rykōm 🙂 Dycki tyż se parza tyj imbirowo-miodowy, polecōm!
2. Poprawio trowiyni skuli tego, że olejki imbiru wspomogajōm wydzielani śliny i soków żołōndkowych. Założa sie że som tu tacy co chledajōm knifów coby schudnyć? 😉
