Zimowe długi wieczory szczęśliwie za nami ale za to prziszeł czas urlopowy beztuż bydzie wiyncy czasu na sztudyrowani ksiōnżek 🙂 Jak kiery przaje mieć laba na urlopie to na zicher znejdzie czas coby poczytać to i owo.
A spłaco sie fest!
- Czytani odprężo eli pomogo przetrwać niecherski chwile. Ksiōnżki przenoszą w inkszy świat i łoroz człowiek zapomino o swoich starościach. Łońskigo roku ksiōnżki mie zocnie poratowały w moim prywatnym kołowrocie… Sprawdzone, potwierdzone! Praje wtedy zaczytywałach sie w sadze Isabel Allende „Dom Duchów”.
- Sztudyrowani dodowo pewności siebie bo jak człowiek je oczytany i mo recht to leko mu idzie wypowiadać sie w towarzystwie na moc roztomajtych tematów.
- Ksiōnżki onaczōm charakter i osobowość – nie yno rozchodzi sie o te psychologiczne. Przi czytaniu choby obyczajówek ocyniōmy bohaterów przez co weryfikujemy własne sumieni i poglądy. Poza tym mogymy sie moc nauczyć na błędach ksiōnżkowych postaci i zajrzeć na swoi własne życi z inkszej perspektywy.
- Ksiōnżki poszerzajōm anōng o świecie. Toć że samo sztudyrowani ksiōnżek w życiu nie styknie ale na zicher fest pomogo!
Człowiek oczytany to człowiek mondry.
- Czytani zbliżo ludzi. Spróbuj na wieczór siednyć i posztudryować na głos ze swoim galanym. Bydzie zocny tymat do szwandranio! No a drugo rzecz że z mondrōm osobom bardzi rady sie chodzi do łóżka 😉
Czytani je we wercie!
