Beztuż że momy środek zimy i co chwila kieryś chodzi niecherski i smarkaty, najwyższy czas zacznyć sie retować imbirym bo to je blank zdrowy korzyń i pomogo niemrawym lebiodōm. Jak nie chcesz coby Cie brały niecherskosci, to zezwór i miód dziynnie to je mus.
Oprócz działanio wzmacniającego i prociw przeziębieniowego imbir mo kupa kaj jakich zocnych właściwości
1. Rozgrzywo! Do mie to je wybawiyni w te zimowe dni jak wieje, padze śniyg i temperatura je na minusie. Zezwór w kuchyni je sztyjc pod rykōm 🙂 Dycki tyż se parza tyj imbirowo-miodowy, polecōm!
2. Poprawio trowiyni skuli tego, że olejki imbiru wspomogajōm wydzielani śliny i soków żołōndkowych. Założa sie że som tu tacy co chledajōm knifów coby schudnyć? 😉
3. Działo prociw nowotworowo aji tyż wspomago lyczyni raka skuli tego, że szkodzi komórkom rakowym. Wŏżno rzecz!
4. Przez to, że wspomōgo krążyni krwie, polepszo tyż ukrwieni mózgu. Beztuż fajnie działo na koncentracjo i wydajność mózgu.
Zezwór mogymy kupić jako korzyń, w proszku abo tyż marynowany. Jo polecōm imbir na surowo, a nie tam zmlyty, z tytki. Jo se przegryzōm abo ewentualnie wciepuja plasterki do tyju. Ludzie sie krziwiōm i dziwujōm jak se tak chrupia tyn mój zezwór ale jo sztyjc godōm, że idzie prziwyknyć jak tak trocha piecze. W takij formie on mo nojwiyncy właściwości. Yno nie idzie przesadzać! Jak to dycko ze wszyskim.
Ida se zaros nawarzić tyju, a wciepna se tam imbir. Bydzie ciepełko w tyn zimowy wieczór 🙂
at
Ja jo tyż lubia to co na tym łobrozku, yno niy wiym czamu godosz o imbirze. Dyć to je zezwór! 😉
at
Zezwór??? Piyrsze słysza 😀 Monej pochodzimy z inkszych czyńści Śląska? Spytom sie zaros mutra czy miarkuje co to je tyn zezwór 🙂
at
Ostatnio imbir to moi drugi imie 😉 Szamia na surowo, dodowom do herbaty, sałatki i obiadu. Na początku mi za bardzo nie szmakowoł, ale teraz już mi pasuje 😃
at
To sie chwoli! Zezwór je nojlepszy przi zimowej aurze 🙂