Dzisio bydzie o sezamie 🙂
Bioły sezam
Chcesz mieć mocne kości? Je taki jedyn ganc leki knif – jydz dziynnie ziorka sezamu. Sezam mo moc wapnia kiery oprócz tego że dobrze działo na kości wspomogo też serducho, działo prociw miażdżycowo i obniżo ciśniyni. A do tych co sie bojōm hercszlagu – sezam to je mus.
Oprócz wapnia te żółtawe ziarynka majōm też moc inkszych minerałów – żelaza, magnezu, fosforu i cynku. Jak eś je niecherski i mosz anymia bo Ci żelaza brakuje to wiysz już jako se pomóc 🙂
Sezam mo witaminy A, K i witaminy z grupy B.
Sezam mo też kupa białka beztuż jak kiery ni ma miynsok to mu sie fest sprzido dziynnie se pojodać te fajne ziorka.
Olej sezamowy
Do gryfnioków co by chcieli mieć zdrowe biołe zęby bez używanio szkodliwego blendamed white dobry je olej sezamowy. Wybielo zęby i usuwo kamień. Styknie płukać roz dziynnie rano. Przi okazji sie wyzbijo bakteryje i polepszy sie ogólny stan zdrowio.
Co ciekawe, sezam je dobry do tych co sie praje ożrali i na drugi dziyń sie niemrawo czujōm – sezam wspomōgo wątroba przez co organizm lepszy sie rozprawio z zatruciym.
Czorny sezam
Czorny sezam to tyż som ganc zocne ziorka. Czamu?
- dodowo energie
- mo moc przeciwutlyniaczy
- jak kiery słabo widzi eli mo suche ôczy od siedzynio przed kompem – czorny sezam nojlepszy
- zocnie odżywio mózg
- dobrze działo na stawy, pomogo w niecherskościach i napięciu muskli
- starość z cholesterolym? Dobrze je dziynnie se pojodać czorny sezam bo obniżo poziom tego pieroństwa
Dobre, kończa już dżistać a ida se narychtować koktajl warzywny do kierego se dosuja ziorek sezamu. Mniam! 🙂
