Na film wybrałach sie w babskim towarzystwie ale mi sie zdo że lepszy by było iść z chopym. Jak obejrzysz film to sie kapniesz czamu 😉
Ale do rzeczy. Mi osobiście film doł do myślynio.
Wisłocko okozała sie babkōm z niezłomnōm wolōm kiero nigdy sie nie poddowała choby miała kupa niecherskości w życiu prywatnym
Socjalizm kompletnie nie sprzijoł kaj jaki edukacji seksualnej i wszyjscy sie tego tymatu boli jak dioboł święconej wody. Ale figa z makiym – Wisłocko była kobitkōm fest charyzmatycznōm i zdeterminowanōm. Jak rewolucja to rewolucja! Odmawiajōm pomocy w jednym miejscu? Trza popróbować w inkszym. Ku tymu Wisłocko miała moc dystansu do sia i do ludzi a poczuci humoru też fajnacki – nikiere teksty rozwalały mie na łopatki i chichrałach sie jak pofyrtano.
Za wiela ci tu nie byda rozprawiać, nojlepszy jakbyś sama poszła na film.
Wspiyrejmy polsko kinematografia, zwłaszcza jak filmy som dobre
A tyn taki je! Nie bydziesz żałować żeś sie wybrała do kina.
To co, onaczysz bilet? 😉 Na zachętka wrzucom link do zocnej pieśniczki z filmu:
