Ślōnski roztomajtości do tych, co przajom ślōnskij godce!
Dziynnie rano dzwoni budzik. Niechyntnie wyłączōm te moi dźwięki skowronków i przewracōm sie na drugi bok. Piernika, ale dyć trza stować! Ni ma co sie ociągać bo zaros sie zrobi za nieskoro i trza bydzie lecieć drap. Yyyy, kaj to sie szło do tej moji łaziynki? Doczkej, jaki to dzisio dziyń tydnia? I kaj je moja byrszta do zymbów? Continue Reading…
Ziarynka lynu – siymię lniane – to je coś, co mo kupa zocnych właściwości. Lyn je dobry na wszysko a ku tymu je naturalny, łacny i dostympny w roztomajtych geszeftach, choć jo polecōm tyn, bo je sprawdzony i porzōndny.
1. Nawilżo od środka – skóra robi sie gładszo i nie trza ciaprać tela krymów. Sprawdzone i potwierdzone przezy mie!
2. Fajnie działo na włosy, wzmacnio i sprawio że sie piyknie blyszczōm. Paznokcie tyż som mocniejsze! Zaś sama potwierdzōm.
3. Mo moc błonnika beztuż nie chce sie tela jeś. Do tego błonnik poprawio trowiyni.
4. Lyn wyścielo układ pokarmowy od środka wiync jak mosz niecherski żołōndek to migiym jydz lyn!
5. Mo kupa kwasów omega o kiere ciyżko w inkszym jedzyniu chyba że kiery sztyjc pojodo ryby. Kwasy omega som dobre na serce i działajōm prociw rakowi.
Co idzie obejrzeć w typowych berichtach co to omajlant nadowajōm w Gorolowicach? Continue Reading…
Je pora rzeczy bez kierych nie umia se wyobrazić ani jednego dnia. Na przikład… Tyj! Moooc tyju 🙂 Ziołowy, owocowy, zielony, czerwony…
1. Ciepły tyj poprawio nastrój!
2. Jak Cie spani biere a mosz już dojś kawy, zielōno i bioło herbata tyż postawi cie na szłapy.
3. Przi bolawym brzuchu – naporz se rumianku. Działo prociw bólowo i rozkurczowo.
4. Czerwiony tyj sprawio, że ubywo tłuszczu.
5. Jak Cie zmorzi i biere niecherskość – gorko herbata z miodym na zicher pomoże.
6. Nikiere zioła poradzōm zdziałać moc dobrego. Pokrziwa, czystek, nagietek… zioła som dobre na kaj jaki dolegliwości, yno opaternie trza pić!
7. Przez żołōndek do serducha! Bezmała ciepłe napoje sprawiajōm że ludzie sie do sia zbliżajōm i pryndzy Ci bydzie kto przajoł jak mu bydziesz robić gorki jedzyni i pici.
Jako to je z tym kolorym szkutów? Blondynki gupiutki ale szwarne, brunetki ogarnyte ale za fest poważne, ryszawe wredne i niewierne? Pierucha, skōnd sie wziyny te dziwaczne duperszwance?
Zaczło sie już za starego piyrwka. Fest dawno tymu kaj jaki boginie miały blond włosy – obocz Wenus, gryfno kobitka ale z niemondrōm gymbōm, coś z rozumym choby na bakier no ni? Nieskorzi w filmach taki kobitki jak Marlena Dietrich, Marilyn Monroe czy Brigitte Bardot omajlant grały role piyknych gupków co to sie uśmiychajōm szyroko ale jak sie odzywajōm to rozumu nie uznosz.
Blondynki som uznowane za szwarne i kobiece ale gupi i zbałamoncone. Nawet lalka Barbie mo przeważnie blond włosięta ale niemōndro gymba, szykowne ksiynżniczki z bajek podobnie, co jedna blondi to szwarniejszo ale żeby to było aby trocha ogarnyte…
Od starego piyrwka, już pora dobrych lot starōm sie kupować jak nojmyni harbołów du dom. Tak mi sie to fajnie ukłodo w życiu że sztyjc sie kajś kludza i to miyszkōm w jednym mieście, a na dwa roki zaś w drugim. Tak se to chledōm swoigo miejsca na świecie. Continue Reading…
Miałach taki czas w życiu że sztyjc sie śpiychałach a i tak dycki mi tego czasu brakowało. Omajlant zagoniono, beztuż zmierzło a i tak nie szło wyrobić z czasym na to co sie chciało tak rychtyk robić. Co to za życi! Trza było to zmiynić bo wiela idzie lotać w takim pierzińskim kołowrocie. Continue Reading…
Kożdo kobitka lubi wyglōndać zocnie. Jak wyglōndo zocnie to i mo lepszy humor. A jak mo jednako dobry humor to znaczy sie, że je rada z życio! Continue Reading…