Od starego piyrwka, już pora dobrych lot starōm sie kupować jak nojmyni harbołów du dom. Tak mi sie to fajnie ukłodo w życiu że sztyjc sie kajś kludza i to miyszkōm w jednym mieście, a na dwa roki zaś w drugim. Tak se to chledōm swoigo miejsca na świecie.
Skuli tego ni moga mieć za moc klamotów bo kiery by to smyczył ciyngiym w ta i we wta?
Czym wiyncy se człowiek nawynokwio, tym wiyncy sie trza potym o to starać.
Wedle mie, je moc rzeczy zocniejszych od kupowanio roztomajtych klamotów. Choby yny:
1. Rajzy
To one sprawiajōm że życi je ciekawe i momy co wspominać. Żodyn mikser nie do tela szczyńścio co rajza, a nojlepszy to jechać w jaki inksze miejsce kaj Cie jeszcze nie było.
2. Przeżycia
Zamiast kupować wypasiony ekspres do kawy, lepszy wylyź z doma na tyn kafyj i zgodej sie z przyjacielami.
3. Szport
Oglondani meczy na bajeranckim telewizorze może i dowo radocha ale i tak nojwiyncy szczyńścio je jak som sie człowiek ruszy. Od oglondanio jak kiery inkszy pylo jeszcze żodyn na tym świecie sie nie dotlyniył…
4. Dzieleni sie z inkszymi
Jak robisz co do ludzi to od razu someś je szczyńśliwszy!
