Dycki mosz problym bo nabrałaś za moc klamotów i ani dźwignyć tego nie idzie? Krziż Cie boli od smyczynio ciyżkich maneli po lotniskach?
Jo miałach sztyjc zgryzota z moimi charbołami na wyjazdy beztuż wysztudyrowałach co tu poradzić
1. Przesztudyruj co dycki ze sobom bieresz a nigdy sie nie przidało. Przestoń to pakować.
2. Weź myńszo walizka niż obsztalowałaś. Skuli tego weźniesz myni maneli i to bydōm yno najpotrzebniejsze charboły.
3. Skulej lōnty w rulon, gynał jak ślōnsko rolada 🙂 zaszporujesz kupa miejsca.
4. Niechej zwykłe ksiōnżki, weź se kindla jak chcesz co poczytać na wczasach.
5. Zrób se lista nojprocniejszych rzeczy kiere dycki musisz mieć ze sobōm. Pryndzy Ci pójdzie pakowani a i nie nabieresz darymnych klamotów.
6. Mazidła
- Jak mosz towarzysza to zgodejcie sie – jedna pasta do zębów na spóła, jedyn żel do mycio itp.
- Bier myńsze buteleczki mazideł (znejdziesz choby w rossmanie). Na krótko rajza po próżnicy bydziesz smyczyć szampon 250 ml…
- Niechej czyńść mazideł co ciaprzesz dziynnie. Tela Ci gymbiczki nie ubydzie jak niechosz na pora dni krym pod oczy na noc 🙂
Powodzynio!
