Nie chcesz zarywać nocy nad ksiōnżkami? Lepszy nie zaczynej czytać niczego od Isabel! Ta peruwiańsko-chilijsko autorka od realizmu magicznego przeniesie Cie w cołkiem inkszy świat…
All Posts By
Inkszo
5 podstawowch knifów coby być uważnym
Skuli roztomajtych problymów w życiu, jakiś czas tymu fest sie zainteresowałach tom całōm uważnościōm co to je tako modno ostatnio. Nasztudyrowałach sie o tym kupa i godōm Ci – działo. Jak chciołbyś być spokojniejszy i rady z życio to mom pora procnych knifów kiere na zicher sie sprzidajōm. Obocz. Continue Reading…
„Mali książęta” – nepalski historyje…
Jako że praje jeżech w Nepalu to postanowiyłach opisać ksiōnżka kiero czytałach przed rajzōm. Uwaga – jak kiery sie gibko wzruszo to bydzie mioł ciężko przi czytaniu. Continue Reading…
Olejki na pomoc suchej skórze i włosom
Knif niby do kobitek, ale myśla że chōpy tyż sie mogōm poratować.
Syrnik z masą kakaową
Składniki na ciasto
- 40 dag mąki
- 4 łeżki śmietonki
- 2 łeżki kakao
- 20 dag łomasty
- 1 łeżka cukru
- 1 łeżyczka bakpulwru
5 zwyków kiere lepszy zawczasu niechać
Wszyjscy by my chcieli żyć długo a szczęśliwie ale tak rychtyk roztomajcie to bywo z tym spokojem i szczęśliwościōm. Ale, ale! Je kupa rzeczy kierych możesz nie robić coby sie lepszy żyło. Jo uważōm że te piyńć je jednymi z nojważniejszych.
1. Rozpamiyntywani przeszłości
Co Ci to do? Uwaga, uwaga… Psinco. Trza yny wyciągać wnioski ze wszyskigo i tela. To co je tak rychtyk ważne to je TYN MOMENT. To wszysko co mosz i nie zaprzepaść se tego rozmyśliwaniym o błędach abo kabociorzach z przeszłości.
2. Lajera, nadmierne rozkminki
Nie kombinuj tela. Co kiery powiedzioł, jako kiery odebroł co pedziałaś Ty, co tamtyn mioł na myśli, czy tamta sie aby nie obraziyła? Smooool to. Swoja energia przeteguj na tryning, czytani ksiōnżki, naworz co dobrego… Wszysko je lepsze niż myśleć za moc.
3. Obwiniani sie
Wszyscy popełniomy błędy. I tela w tymacie.
4. Spinani sie
Po co, na co? Bydziesz widzieć, za pora miesiyncy ani nie bydziesz pamiętać o niecherskij rozmowie z szefem. W geszefcie je długo raja do kasy? No i szyjn, możesz se na chwila pomedytować i skupić na oddechu. Twój facet zaś ciepnył fusekle na zola zamiast do kosza? Dej pokój, niech leżōm.
Szkoda życio na haje o duperszwance!
5. Strach przed nowym
Zmiany som dobre i potrzebne! Dużo uczōm i zmieniajōm życi na lepsze. Na początku sie zdo że to jakiś pierzińśtwo ale bydziesz widzieć – wszysko sie dzieje po coś! I dobrze że sie dzieje… Continue Reading…
Sezam – małe ziorka ale zocne!
Dzisio bydzie o sezamie 🙂
La Palma – la isla fest bonita! Madonna miała rycht!
Na La Palma wybrałach sie bo wysztudyrowałach że tam je cołkiym zocne lotani. Miała być Sardynia ale tam już je kapka zima w grudniu beztuż stanyło na Kanarach. Continue Reading…
Święta – kiery zjy wiyncy?
Beztuż że zacznył sie ganc świąteczny czas pogodōm Wom jako to obchodzymy święta u nas w doma. Continue Reading…
8 knifów na dobre spani
Powiym Ci że dycki miałach problym coby sie porzōndnie wyspać. Rōncz mie bele co budziyło w nocy, wczas rano też już za bardzo nie szło oka zmrużyć, co drugo noc jakiś pofyrtane bałamonty mi sie śniyły… A potym bez dziyń sztyjc mie spani brało. Darymne, trza było jakoś tymu zaradzić.