Składniki:
- Pół litra mlyka
- 10 dag drożdży
- 1 tytka cukru waniliowego
- 3/4 szolki cukru
- 5 jajec
- 3/4 kostki łomasty
- 1,5 kg mąki
- troszka soli
- krauzka nutelle
Z mlyka, drożdży, 4 łeżek mąki i 1 łeżki cukru robimy rozczyn. Ostawiōmy aż wyrośnie, nojlepszy kaj blisko kaloryfera.
Łomasta rozpuszczōmy a jajca uciyrōmy z cukrym. Robimy miszōng i dodowōmy mąka, rozczyn i reszta składników. Wyrobiōmy ciasto.
Ciasto dzielymy na 8 czyńści. Kożdo czyńść trza rozkulać i zaś podzielić na 8 czyńści. No kożdy trójkąt nakłodōmy nutella i zwijōmy rogaliki.
Blech wykłodōmy papiōrym do pieczynio, wykłodōmy rogaliki i szmarujymy po wyrchu rozbelōntanym jajcym. Piekarok trza rozhajcować do 180 stopni i wachować aż rogale sie zezłocōm, kole 20 minut i bydōm dobre.
Polecōm!
