No i momy drugo czyńść moji listy procnych rzeczy kiere dziynnie robia.
Category Archives
Tak rychtyk
11 rzeczy kiere dziynnie robia i Ciebie też polecōm. Czyńść 1
Jak Ci sie zdo że to bydzie wpis o tym że myja zęby i maluja rzęsy to króliki Ci sie kocōm 😀 To bydzie o czym ganc inkszym. Continue Reading…
Tańcowani to je to!
„Kaj tak żyniesz zafuczano z tom sportowōm taszōm??”
„Aaaa, zaś leca na taniec!” 🙂
Lubisz tańcować? Jo fest przaja tańcowaniu i to w kaj jaki formie. Lubia skokać na imprezach, przepadōm za tanami na weselach i przaja tańcom w studiach, czy to salsa czy dancehall czy jaki latino solo. Od listopada 2014 trynuja pole dance ale ekstra nie byda teraz o tym szlabikować bo tak rychtyk to je do akrobatyka a nie żodyn taniec. Tam trza kupa siyły i wygimnastykowanio, to je ganc inkszo bajka niż tako bachata na przikład.
Co sie tyczy tańca w parze to już bywo różnie. Chopy roztomiyłe, nie obroźcie sie ale nikiedy jo nie wiym czy wy chcecie udeptać kapusta czy jednak zy mną potańczyć. To monej jo jednak prziniesa ta kapusta?
Po czym sie kapłach że taniec je fest ważnōm rzeczom do mie?
Ano jak na studiach trza było stować wczas rano w sobota żeby dostać sie na ulubione zajęcia z dancehallu i reggaetonu. Jak bez zima na wieczór pylałach pustymi mroźnymi ulicami na zajęcia z latino. Jak nabijałach se sińce i pot loł sie niemiłosiernie… a jo zawsze uśmiychnyto i rada z życio jak nigdy.
Tańcowani je dobre na kaj jaki smutki i zgryzoty!
Mosz niecherski dziyń i jeżeś zmierzło jak bąk? Chcesz poznać jakich fajnych ludzi? Szukosz pasji w życiu? Czyś je zawalato czy ni, tańcz i obejrz co sie bydzie dzioło! 🙂
Nie wiym jak Ty ale jo sie zbiyrōm i leca na zajęcia! Continue Reading…
Knify na ryma – co jeść coby sie ôstać zdrowym
Skiż tego że teroz je sezon na ryma i co chwila sie słyszy że kogoś zmorzyło, beztuż chciałach sie podzielić moimi zocnymi knifami coby nie być tołt. Yny trza pamiętać że fest ważno je systematyczność, bez tego odporności sie nie wyrobi.
Knobloch
Zabijo kaj jaki bakteryje i grziby. Jedzony dziynnie gwarantuje że u dochtora człowieka nie uznosz i nic sie go nie bydzie imać. Ale ważno rzecz – nie śmisz przesadzać. Jedyn ząbek na dziyń to je dojś. Knobloch je ciężkostrawny beztuż lepszy se nie przeciążać żołōndka za fest. A jak kiery mo niski ciśnieni to też trza dać pozór bo czosnek to ciśniyni obniżo.
Ziorka banie – nojlepszo przegryzka!
Dzisio bydzie o ziorkach z banie 🙂 Piyrwyj nie za bardzo przałach tym przegryzkōm, ale jak pociepłach maszkety, to trza było se to czymś zastąpić. Continue Reading…
Wyłączyć rozmyśliwani. O uważności czyńść 2
A oto drugo czyńść posta o uważności i tym co mi to dało.
Moc czasu nie umiałach medytować aż sie w końcu trocha poddałach. Siedzyni w niewygodnej pozycji, nojlepszy z godzina abo i wiyncy, dycki w jednym, obranym na to miejscu… Niyyyy… Zamiast tego zwyczajnie zicłach se na szezlōngu abo kaj na ławce w parku i… nie myślałach o niczym. Blank o niczym. Jak mi sie to przipodobało!
Dycki tela myśli mi krążyło po łepie a teroz w końcu spokój
Tako banalno, prosto rzecz a jak pomogo! I to bez przijmowanio specjalnych pozycji, świyczek, muzyki czy jeszcze inkszych dziwnych rzeczy.
Trza pomalszy żyć. Cołki czas starōm sie poprawiać jakość moigo życio i przyuważyłach że jak se trocha odpuszcza obowiązków to mi je zaros lepszy. Banał ale do mie długo nieoczywisty. Continue Reading…
Zasztopować rozmyśliwani. O uważności czyńść 1
Mosz też taki uczuci że dycko sie musisz śpiychać coby ze wszyskim zdążyć? Zdarzo Ci sie na wieczór już być ganc tołt? Mosz dojś tej codziynnej lajery? Jo tak przeżyłach pora lot i powiedziałach se fajrant! Continue Reading…
Mandle na dodani zdrowotności!
Czy wiysz że migdały majōm moc wartości odżywczych? To sōm tak zdrowe ziorka że szłoby o nich szlabikować i szlabikować! Ale postarōm sie zmieścić w jednym wpisie 😉
Momy dwa rodzaje mandli, słodki i gorski
Do jedzynio nadowajōm sie te słodki, z gorskich robi sie olej migdałowy. Miarkujemy co też zocnego dajōm nom słodki mandelki 🙂
- Obniżajōm zły cholesterol LDL przez to że majōm moc zdrowych tłuszczy.
Jerona, jako sie tu cieszyć z życio?
Jak ludzie pytajōm sie co u Cia słyszeć i sztyjc chciałabyś pedzieć że źle. Jak uważosz że mosz wiyncy powodów do bycia niezadowolonōm niż radōm. Jak sztyjc se powtarzosz że bydziesz szczynśliwo w życiu jak yno jeszcze dostaniesz to i tamto i bydziesz mieć to i to – trza przeonaczyć to myślyni.
Co byś mioł robić coby być rady z życio?
1. Unikej ludzi co jednako narzykajōm i som niezadowolyni. Zmierzły humor udzielo sie gibko no i na cóż psuć se dziyń przi słuchaniu utyskiwanio marudów?
4 powody czamu rajzy solo som o żić roztrzaść
Ciyngiym rajzuja bele kaj, to na weekenda, a to kapka dali na urlaub i tak to mi wlazło w zwyk, że inakszy se już moigo życia nie umia wysztaunować.
Tak se nikiedy jada sama i obcyrkowałach, że rajzy solo tak rychtyk som do żici
Kiery by sie spytoł – ale czamu? Dyć w końcu mosz czas żeby pozbiyrać myśli do kupy i dychnyć se trocha. A tak rychtyk…
1. W kupie je lekszy – kieryś ostanie przi manelach jak inkszy pońdzie kaj co obcyrklować, jak sie nawigacja zatnie to jedyn może po leku jechać a drugi szteluje co trza. Jedyn drugimu pomoże, sprawdzi to czy siamto – szłoby tak wymiyniać bez końca… A już wcale fajnie jak kiery mocny chop wspomoże z ciyżkimi charbołami 😀 Continue Reading…