Składniki
- 2 szolki mąki
- szolka cukru
- szolka drobno porzymciganych orzechów
- 4 łeżki kakao
- 4 jajca
- 1/2 szolki oleju
- 4 łeżki dżymu śliwkowego
- 4 jabłka pokrote w kostka
- łeżyczka bakpulwru
- łeżyczka natronu
- ruzynki jak kiery lubi – jo NI!
All Posts By
Inkszo
Moja lista 5 nojzocniejszych miejsc do odwiedzynio
Tak rychtyk to mom kupa miejsc co bych chciała obejrzeć, dyć rajzy to je fajno rzecz! Świat je wielki i prawie wszyńdzi je piyknie. Beztuż tak se marza omajlant o roztomajtych gryfnych miejscach. Skiż tego dzisio szlabikuja o moich nojprocniejszych zakōntkach kaj bych chciała rajzować.
4 powody czamu zezwór je taki zocny
Beztuż że momy środek zimy i co chwila kieryś chodzi niecherski i smarkaty, najwyższy czas zacznyć sie retować imbirym bo to je blank zdrowy korzyń i pomogo niemrawym lebiodōm. Jak nie chcesz coby Cie brały niecherskosci, to zezwór i miód dziynnie to je mus.
Oprócz działanio wzmacniającego i prociw przeziębieniowego imbir mo kupa kaj jakich zocnych właściwości
1. Rozgrzywo! Do mie to je wybawiyni w te zimowe dni jak wieje, padze śniyg i temperatura je na minusie. Zezwór w kuchyni je sztyjc pod rykōm 🙂 Dycki tyż se parza tyj imbirowo-miodowy, polecōm!
2. Poprawio trowiyni skuli tego, że olejki imbiru wspomogajōm wydzielani śliny i soków żołōndkowych. Założa sie że som tu tacy co chledajōm knifów coby schudnyć? 😉
11 rzeczy kiere dziynnie robia i Ciebie też polecōm. Czyńść 2
No i momy drugo czyńść moji listy procnych rzeczy kiere dziynnie robia.
Miarkuj Continue Reading…
11 rzeczy kiere dziynnie robia i Ciebie też polecōm. Czyńść 1
Jak Ci sie zdo że to bydzie wpis o tym że myja zęby i maluja rzęsy to króliki Ci sie kocōm 😀 To bydzie o czym ganc inkszym. Continue Reading…
„12 opowiadań tułaczych” Gabriel García Márquez
Márquez to je sławny i zocny szlabikorz, jak nie kojarzysz tego kolumbijskigo autora to polecōm sie rozeznać 🙂 Jego opowiadania tułacze som krótki i pryndko sie czyto beztuż som dobre na wieczory kejsik ni ma za moc czasu na czytani. Jedyne co mi sie myni podobało to skłonność autora do uśmiercanio swoich bohaterów. Ale po prowdzie i tak opisuje wszystki historyje na tela ironicznie że człowiek sie brechto zamiast chełkać. Nikiere opowiadania som ganc absurdalne… Dramatu ni ma a za to kupa śmiychu i kapka rozmyśliwanio nad ludzkim żywotym, emocjami i sytuacjami kiere sie trefiajōm. Continue Reading…
Para-impreza i szpacyrek po pagórkach Beskidu Małego
Prziszeł weekend i czas coby se trocha dychnyć. W sobota na wieczór w Żywcu była impreza paralotniowo z okazji fajrantu na sezon beztuż zebrałach sie i pojechałach. Z nikierymi widziałach sie ostatnio na imprezie w Koninkach w Wyspowym – pozdrowiynia do Joli i Mańka 😉 Continue Reading…
Rogaliki z czekuladōm
Składniki:
- Pół litra mlyka
- 10 dag drożdży
- 1 tytka cukru waniliowego
- 3/4 szolki cukru
- 5 jajec
- 3/4 kostki łomasty
- 1,5 kg mąki
- troszka soli
- krauzka nutelle
Tańcowani to je to!
„Kaj tak żyniesz zafuczano z tom sportowōm taszōm??”
„Aaaa, zaś leca na taniec!” 🙂
Lubisz tańcować? Jo fest przaja tańcowaniu i to w kaj jaki formie. Lubia skokać na imprezach, przepadōm za tanami na weselach i przaja tańcom w studiach, czy to salsa czy dancehall czy jaki latino solo. Od listopada 2014 trynuja pole dance ale ekstra nie byda teraz o tym szlabikować bo tak rychtyk to je do akrobatyka a nie żodyn taniec. Tam trza kupa siyły i wygimnastykowanio, to je ganc inkszo bajka niż tako bachata na przikład.
Co sie tyczy tańca w parze to już bywo różnie. Chopy roztomiyłe, nie obroźcie sie ale nikiedy jo nie wiym czy wy chcecie udeptać kapusta czy jednak zy mną potańczyć. To monej jo jednak prziniesa ta kapusta?
Po czym sie kapłach że taniec je fest ważnōm rzeczom do mie?
Ano jak na studiach trza było stować wczas rano w sobota żeby dostać sie na ulubione zajęcia z dancehallu i reggaetonu. Jak bez zima na wieczór pylałach pustymi mroźnymi ulicami na zajęcia z latino. Jak nabijałach se sińce i pot loł sie niemiłosiernie… a jo zawsze uśmiychnyto i rada z życio jak nigdy.
Tańcowani je dobre na kaj jaki smutki i zgryzoty!
Mosz niecherski dziyń i jeżeś zmierzło jak bąk? Chcesz poznać jakich fajnych ludzi? Szukosz pasji w życiu? Czyś je zawalato czy ni, tańcz i obejrz co sie bydzie dzioło! 🙂
Nie wiym jak Ty ale jo sie zbiyrōm i leca na zajęcia! Continue Reading…
Knify na ryma – co jeść coby sie ôstać zdrowym
Skiż tego że teroz je sezon na ryma i co chwila sie słyszy że kogoś zmorzyło, beztuż chciałach sie podzielić moimi zocnymi knifami coby nie być tołt. Yny trza pamiętać że fest ważno je systematyczność, bez tego odporności sie nie wyrobi.
Knobloch
Zabijo kaj jaki bakteryje i grziby. Jedzony dziynnie gwarantuje że u dochtora człowieka nie uznosz i nic sie go nie bydzie imać. Ale ważno rzecz – nie śmisz przesadzać. Jedyn ząbek na dziyń to je dojś. Knobloch je ciężkostrawny beztuż lepszy se nie przeciążać żołōndka za fest. A jak kiery mo niski ciśnieni to też trza dać pozór bo czosnek to ciśniyni obniżo.