Podwyńdziyłach mamie przepis na fajno zista, gynał na owocowy sezon!
Składniki
- 20 dag mąki
- 20 dag łomasty
- 20 dag cukru
- 4 jajca
- tytka cukru waniliowego
- 1 łeżyczka bakpulwru
- 80 dag borówek (rabarber, jagódki abo agryst też bydōm dobre)
- cukier puder do posypanio
Łomasta utrzyć z cukrym i dodować po 1 jajcu. Wymiyszać mąka, bakpulwer, cukier waniliowy i taki miszōng wciepać do utrzytej łomasty. Na koniec wsuć borówki i fajnie wszysko pofyrlać. Blech wyszmarować masłym i posypać bułkōm tartōm eli jeszcze lepszy – orzechami. Ciasto wloć do blecha i wrazić do piekaroka rozgrzotego na 180 stopni. Piyc 45 minut a jak przechłodnie, posuć cukrym pudrym (jo wola bez).
Smacznego!
