Mo sie rozumieć zdrowy ale w umiarze! Cało flaszka na wieczór to je niecherski pomysł. Ale już kieliszek wina to blank zocno rzecz.
Najzdrowsze je czerwone skiż tego że biere sie z gniecionych winogron wroz ze skórkōm i ziorkami kiere to majōm nojwiyncy cennych składników. Biołe wino produkuje sie yny z samego soku beztuż je trocha myni wartościowe.
Co procnego nom dowo trunek Bachusa?
- W małych dawkach rozluźnio ciało i umysł, dodowo odwagi nieśmiałym.
- Już sōm widok wina w piyknym kieliszku działo nastrojowo.
- Wino wspomogo przepływ krwie beztuż zmniejszo ryzyko hercklekotów i udaru mózgu.
- Przeciwutleniacze z wina obniżajōm poziom złego cholesterolu a ku tymu wspomogajōm serducho.
- W winie je też małowiela zocnych mikroelementów jak żelazo, fosfor i potas. Ku tymu witaminy C, A, z grupy B i H.
- Wino wspomogo trowiyni, gynał sie nado po ciężkim ôbiedzie.
Lubisz se też nikiedy wypić lampka wina? Pyrsk!
