Skiż tego że zaglondajōm tu nie yno Ślōnzoki, narychtowałach lista trudniejszych słówek kierych używom i kiere nie som taki oczywiste.
Nikiere roztomiyłe gorole majōm mie biyda zrozumieć ale nie starejcie sie! Wszystko przidzie z czasym.
No to jadymy!
- Omajlant / sztyjc / jednako / rōncz – stale, bez ustanku.
Jo na przikład sztyjc pija tyj bo mi je omajlant zima. Kobitki na zicher rozumiōm o co sie rozchodzi…
- Mecyje – kaj jaki problymy eli coś co Ci uprzikrzo żywot.
Mogōm to być tyż roztomajte przigody, dycki niefajne. Miołeś ostatnio jaki mecyje w robocie eli doma?
- Iberaszōng – niespodzianka.
Coś czymu fest przaja pod wiela iberaszōng je pozytywny 🙂
- Duperszwance – coś nieważnego.
Jak sie dycki przejmujesz jakimiś duperszwancami to pociep tyn niecherski zwyk – szkoda życio!
- Niechać – przestać, odłożyć coś.
Idzie niechać kurzyni cygaretów eli idzie tyż niechać smartfon fōrt i podrzistać zocnie z kumpelą przi obiedzie na korpo – szychcie.
- Niecherski – zły, niefajny, niezdrowy.
Tak rychtyk wszysko może być niecherski, od pogody, przez ôbiod, aż po szefa.
- Nieskoro – późno.
Do mie nieskoro na wieczór to jak je dwanoście na zygorze skuli tego że lubia se legnyć o dziesiątej.
- Nie śmia – ni moga.
Nie śmia lyź na pasy jak sie czerwione świyci abo nie śmia dać sie wykorzystać w robocie.
- Kabociorz – taki pieron co to trza se na niego dać pozór.
Kabociorze to fałszywi ludzie beztuż jak takigo spotkosz to zaros gibko citej!
- Kludzić sie – przeprowadzać sie eli godać coś.
Mie sie sztyjc przidarzo sie przekludzić beztuż to słowo je mi bliski i zocne 😀
Kludzić tyż godała moja babcia jak sie odnosiyła do tego, że kieryś coś tam padoł, dycki tak trocha bez pomyślunku… 🙂
- Lebioda – kieryś słaby, lichego zdrowia.
Mom pora takich kamratów w robocie co to sztyjc lamyncōm że sie niechersko czujōm. Do tych co tak sztyjc labiydzōm na zdrowi, polecom procne knify.
- Obsztalować – przygotować, planować.
Jo jednako sztaluja jaki nowe rajzy a Ty?
- Po leku – pomału.
Po leku ale dziynnie a hned bydziesz widzieć rezultaty!
- Poradzić – umieć.
Poradzisz dobrze godać po ślōnsku?
- Przaja tymu! – to godom jak coś fest lubia.
Przaja rajzom nojbardzi na świecie!
- Rychtować – przygotować.
Ida se zaros narychtować tyj z zezworym bo mi je zima i chca sie kapka rozgrzoć.
- Szlabikować – pisać.
Szlabikuja Wom tu o roztomajtych roztomajtościach! 😉
- Smola to – olywōm coś, nie przejmuja sie.
Smolić trza przede wszystkim duperszwance!
- Szpas – przyjemność, rozrywka
Lampka wina kaj na jaki ciepłej wyspie jak w Polsce pogoda już je niechersko… To je dziepro szpas!
Dej znać jaki jeszcze słówko trza by objaśnić, założa sie że sie znojdzie niejedno!
at
A jo się nawet wetna, że jeszcze wiela tego je?
at
Mosz rycht! Jeszcze moc roztomajtych słówek idzie nawynokwiać 🙂
at
A u nas na Podkarpaciu też się używa:rychtowac, mecyje i lebioda. Trudny ten ślonski haha
at
A co jeszcze za ciekawe słówka mocie na Podkarpaciu? Ślōnski bywo trudny, to racja. Jakbych sie urodziyła kaj indzi to bych miała biyda poradzić zrozumieć Slōnzoków 😉
Widziałach że Was nosi po świecie i rajzujecie zocnie, bardzo dobrze! Tak trzimać!
Powodzyniooo 🙂
at
Jeronie jako jo je rada zech tu trefila ? logromnie mi sie sam u Ciebie podobo ?
at
Toch je rada że sie podobo 🙂
at
A czy slonsko godka to jest to samo co język śląski , abo to je cisik maszketnego ?
at
Ślōnsko godka to je gwara, czyli odmiana języka. Oficjalnie ślōnski ni ma uznowany jako język som w sobie, tak jak na przikład polski czy nimiecki 🙂