Szmakuje Ci awokado? Ni? No ja, nie dziwota… Pierucha, trza mieć moc samozaparcio coby se pojodać te owoce… Ale tak rychtyk to lepszy zawczasu sie przemóc, bo to je ganc zdrowo rzecz.
Obcyrkluj
1. Awokado obniżo cholesterol.
2. Coś do kobitek – awokado idzie ônaczyć na skóra abo włosy – fajnie nawilżo i odżywio.
3. Jak kogo mierzi cukrzica – tyn zielony owoc zmniyjszo skoki cukru we krwi.
4. Pestka z awokado też sie noleży jeś – mo moc błonnika i przeciwutlyniaczy beztuż sie potym pomalszy człowiek starzeje.
5. Awokado mo kupa wartości odżywczych:
-
- moc potasu kiery dbo o serducho, układ nerwowy i ciśniyni
-
- kwas foliowy (kobitki w ciąży – achtung! 🙂
-
- luteina co dobrze działo na ślypia
- zocne kwasy omega
Jako przemycić awokado?
Jo tam nie za bardzo przaja szmakowi awokado. Jak mosz tak jak jo, przemycej go do koktajli abo klapsznitów. Jo se miksuja awokado z owocami, miodym i oliwą z oliwek. Wciepuja do blendera co tam mom pod rękōm – a to pietrucha, a to ziorka banie abo słonecznik, czasym dosuja sezamu abo haberloków… Co kiery woli.
A jak nie miszōngi to… rób guacamole 🙂 Fajnie sie nado do sznitów eli na gęsto zołza do ôbiadu.
Jak chcesz zocnie dożyć do pyndzyji to dobrze by było sie zakolegować z awokado. Pyndym leć do geszeftu a sprōw se tyn zocny owoc! 🙂 Trza o sia dbać!
