Maj za pasym, ahhh piykny miesiąc idzie! Wszysko zaczło już kwitnyć, strōmy już zielone choć tak rychtyk pogoda ostatnimi czasy za fest nie rozpieszczo… no ale pomału pójdzie już wyciepać te pieroński szale, mycki i mantle w pierony!
A że generalnie dobrze je mieć w życiu jaki plan działanio, jo na maj narychtowałach se taki oto małe prywatne cyle
- Radować sie wiosnōm!
- Lotać, lotać, lotać! Kwiycień był słaby paralotniowo skuli pogody beztuż w maju se chca nadrobić. Rajza w Alpy na zicher pomoże, w końcu rajzy to je fajno rzecz!
- Utrzimać mój poziom treningów 2x w tydniu + rozciągani roz w tydniu.
- Przeczytać choć aby jedna ksiōnżka – teroz na tapecie je u mie podróżniczo ksiōnżczyna „Czekając na Duida” Stefana Czarnieckigo. Myśla że nojmyni jedna ksiōnżka na miesiąc dobrze by było machnyć.
- Utrzimać poziom sztudyrowanio rosyjskigo taki jak dycki. Powiym Wom że ciągnie mie na Wschód i chciałabych tam poradzić sie dogodać. Ruski procno sprawa!
A Ty co mosz w planach na maj?
