Wpis na czasie bo praje mōmy świynta kiejsik sie rychtuje za moc jedzynio. Czy wiysz że podle statystyk ludzie w Polsce wyciepujōm dycko bez rok ponad 2 miliony ton jodła? Aż se to ciynżko forsztelować…
Co ciekawe, nojwiyncy marnuje sie chleba i roztomajtych wypieków.
Co robić coby nie dokłodać sie do tych niecherskich danych?
- Nie rób zakupów na głodnego bo kupisz wiyncy niż ci tak rychtyk trza.
- Kupisz za moc chleba? Zamróź, bydzie na zaś. Jak już mosz czyrstwy chlyb to narychtuj z niego tosty abo pokrej na kosteczki, bydōm szpyrki do zupy.
- Kombinuj! Ostały Ci sie zimioki z ôbiadu? Obszteluj placki na drugi dziyń. Jabka już nie chrupiōm a banan szczernioł? Wciepni do blyndera, bydzie koktajl. Tak idzie wynokwiać bez końca…
- Dycki kupuj podle listy, nie dowej sie nabrać na promocje typu ‘3 w cenie 2’.
- Ordung w lodówce to je mus. Gymiza trzimej w dolnej półce a bajlaga przekłodej z miyszka foliowego do pudełka. Co nie bydziesz hned jeść, wroź do zamrażarki.
- Ukłodej jedzyni podle daty ważności, niech je pod rękōm to co ôbstanie najkrótszy.
- Zakoleguj sie z kastlikami próżniowymi, jedzyni bydzie długszy świyże. Ni mach zwolennikiem klamotów do chałupy ale taki kastliki to je u mie mus.
Nasze dziynne zwyki rychtyk majōm znaczyni
Na świecie wywalo sie 1/3 jedzynio… Kupujmy z rozumym! Wybory przeciętnego Kowalskigo też sie liczōm!
