Nie chcesz zarywać nocy nad ksiōnżkami? Lepszy nie zaczynej czytać niczego od Isabel! Ta peruwiańsko-chilijsko autorka od realizmu magicznego przeniesie Cie w cołkiem inkszy świat…
Category Archives
Ksiōnżki
„Mali książęta” – nepalski historyje…
Jako że praje jeżech w Nepalu to postanowiyłach opisać ksiōnżka kiero czytałach przed rajzōm. Uwaga – jak kiery sie gibko wzruszo to bydzie mioł ciężko przi czytaniu. Continue Reading…
„12 opowiadań tułaczych” Gabriel García Márquez
Márquez to je sławny i zocny szlabikorz, jak nie kojarzysz tego kolumbijskigo autora to polecōm sie rozeznać 🙂 Jego opowiadania tułacze som krótki i pryndko sie czyto beztuż som dobre na wieczory kejsik ni ma za moc czasu na czytani. Jedyne co mi sie myni podobało to skłonność autora do uśmiercanio swoich bohaterów. Ale po prowdzie i tak opisuje wszystki historyje na tela ironicznie że człowiek sie brechto zamiast chełkać. Nikiere opowiadania som ganc absurdalne… Dramatu ni ma a za to kupa śmiychu i kapka rozmyśliwanio nad ludzkim żywotym, emocjami i sytuacjami kiere sie trefiajōm. Continue Reading…
„Byle dalej. W 888 dni dookoła świata” M. Owczarek, B. Skowroński
Nastympno fajno ksiōnżka o rajzach po świecie. Azja, Australia, Ameryka Południowo… co yno idzie nawynōkwiać.
Pora wrazidlatych ludzi, on i ona, stwierdzyli że to smolōm, ciepli wszysko i ruszyli w świat
Przigód mieli po drodze co nie miara! Fest mi sie spodobało że te rojble tak rajtowały po zapadłych dziurach – nie do nich zocne hotele i turystyczne miejsca kaj sie idzie wygrzoć na leżakach. Nieroz im było do śmiychu ale też mieli lichsze momynty. Continue Reading…
„Sprzedaj lodówkę i jedź dookoła świata” K. Godycki-Ćwirko
Ksiōnżka do ludzi kierych nosi po świecie! Pryndko sie czyto, przigody autora wciągają a łobrozki som piykne. Ale dejcie pozór, przi czytaniu chce sie od razu gzuć w świat! Continue Reading…