Rajzy to je tako rzecz na kiero wydowomy gelt a zo wi zo my som bogatsi
Tak tyż je jak sie rozchodzi o Hiszpania. Gelt udany ale wiela wspomniyń… Kraj corridy, fiesty i klary znōm z urlaubów i rajzów służbowych. Hiszpańskigo nauczyłach sie na roztomajtych kursach i teroz na bez tydziyń na szychcie mom przileżytość coby tyn jynzyk wykorzystywać w robocie. Od starego piyrwka przajałach tyż roztomajtym tańcōm latino, z bachatą i reggaetonem na czele, beztuż hiszpański klimaty to je coś czymu fest przaja!
No i szyjn, na piyrszy szlag idōm tapasy!
Nazwa tapa to inakszy deklik. W średniowieczu przikrywali kielichy wina bajlagōm szynki abo kraiczkiym chleba coby masary nie wlazowały do środka. I skiż tego zacznył sie zwyk podowanio przekōnsek do wina kiery trwo aż do dzisio i niyôdłōncznie uż kojarzy sie z Hiszpaniōm.
Picos de Europa
Park narodowy Picos de Europa to jedno z nojbardzi zwiedownych miejsc w Asturyji. To piykne pasmo Gór Kantabryjskich leży na północy Hiszpanii i czeko na mie uż pora lot. Nojwyższy szczyt ni ma jakiś epny, mo yny 2650 m ale landszafty som przegryfne! Kieregoś wspaniałego dnia ciepna wszysko i jada do Picos!
Salvador Dali
Chyba ni ma takigo coby nie slyszoł o Salvadorze Dali. Fest polecōm muzeum Salvadora w Figueres kole Girony. Jak yny bydziesz w Hiszpanii to ciś tam! Aaaa, mom do Cia ciekawostka. Wiysz że tyn hyrski artysta wypokopiył logo lizŏków Chupa Chups? Forma stokrotki to jego ajnfal!
Tomatina
Nie starej sie, krziwda sie tam nikomu nie dzieje! We haji na tomaty, kożdy pomidor musi być piyrsze splaszczony coby żodnego nie ukrziwdzić. Guerra Roja (Czerwiono Wojna) je ôdprŏwiano we Walencji, w mieście Buñol. Szpas idzie godzina i do boju trza wtynczŏs kole 130 ton tomatów! Do dekla im chyba pizło, szaleju sie najedli ci Hiszpanie…
Corrida
Katalonia i Wyspy Kanaryjski to obszary kaj zakozali corridy. Tak rychtyk nie na wiela sie to zdo i myśla że Hiszpania małowiela zabrōniyła corridy coby ucichać znerwowane głosy z Europy. Bōje z bykami dali sie wydarzajōm w Hiszpanii i idzie leko trefić na to wydarzyni przy piyrszym z kraja feście. Sama cufalym miałach okazyjo oglōndać corrida na arynie w Saragossie- niecherski to je fajer…
Krótko tu rozprawiōm choć o Hiszpanii szłoby szlabikować i szlabikować… W Iberii kożdy znejdzie coś do sia! Roztomiyło to je ziymia i fest tam przaja rajzować. Mosz tyż tak?
at
Jak pojedziesz do Picos de Europa to dej znać, jo też fest fest chca tam rajzować!
at
Dobre!