Ślōnski roztomajtości do tych, co przajom ślōnskij godce!
Były my dwie, jo i kumpela poznano na rajzie w Hiszpanii. Piyrsze chciałach Agatki wyciōngnyć na impreza paralotniowo pod Poznaniym ale w końcu stwiedziyłach że mi sie nie chce tak daleko do gorolowic jechać i w końcu pojechałach do Wrocławia. Tam tyż gorole ale co poradzisz 🙂 Continue Reading…
Dzisio bydzie o ziorkach z banie 🙂 Piyrwyj nie za bardzo przałach tym przegryzkōm, ale jak pociepłach maszkety, to trza było se to czymś zastąpić. Continue Reading…
A oto drugo czyńść posta o uważności i tym co mi to dało.
Moc czasu nie umiałach medytować aż sie w końcu trocha poddałach. Siedzyni w niewygodnej pozycji, nojlepszy z godzina abo i wiyncy, dycki w jednym, obranym na to miejscu… Niyyyy… Zamiast tego zwyczajnie zicłach se na szezlōngu abo kaj na ławce w parku i… nie myślałach o niczym. Blank o niczym. Jak mi sie to przipodobało!
Tako banalno, prosto rzecz a jak pomogo! I to bez przijmowanio specjalnych pozycji, świyczek, muzyki czy jeszcze inkszych dziwnych rzeczy.
Trza pomalszy żyć. Cołki czas starōm sie poprawiać jakość moigo życio i przyuważyłach że jak se trocha odpuszcza obowiązków to mi je zaros lepszy. Banał ale do mie długo nieoczywisty. Continue Reading…
Mosz też taki uczuci że dycko sie musisz śpiychać coby ze wszyskim zdążyć? Zdarzo Ci sie na wieczór już być ganc tołt? Mosz dojś tej codziynnej lajery? Jo tak przeżyłach pora lot i powiedziałach se fajrant! Continue Reading…
Fliger miałach do Malagi a stamtōnd grupōm my sie przeniyśli do Algodonales, malućki uroczej miejscowości przi górce z kierej idzie zocnie polotać na paralotni. Bo toć że wypad był paralotniowy, inkszych rajzów narazie nie planuja bo se chca sezon odkuć. Powiym Wom że skuli roztomajtych starości to mało lotałach w tym roku. Za mało!
Czy wiysz że migdały majōm moc wartości odżywczych? To sōm tak zdrowe ziorka że szłoby o nich szlabikować i szlabikować! Ale postarōm sie zmieścić w jednym wpisie 😉
Do jedzynio nadowajōm sie te słodki, z gorskich robi sie olej migdałowy. Miarkujemy co też zocnego dajōm nom słodki mandelki 🙂
Oddzielić biołka od żółtek. Mąka utrzyć z łomastom, dociepnyć pół szolki cukru, bakpulwer, cukier waniliowy, żółtka i wyrobić ciasto.
Forma o wymiarach 25x36cm poszmarować łomastom i wyłożyć 3/4 ciasta. Do reszty ciasta dosuć kakao i ostawić na kruszonka. Nojlepszy wsadzić kakaowe ciasto do zamrażarki na chwila co by sie potym leko trzyło.
Biołka ubić na sztywno piana, dociepnyć reszta cukru (pół szolki) i sztyjc ubijać. Na koniec do miszōnga wsuć budyń i pomału, po leku wymiyszać.
Na cieście rozłożyć potrzyte jabłka, na to ubito piana a na wyrch potrzyć kruszonka z ciymnego ciasta.
Piekarok nasztelować na 180 stopni i piyc 45 minut.
MNIAAAAM! 🙂
Abo jeszcze lepszy – od szolki ciepłej wody. To je ganc zocny zwyk! Wyduldani wody z rana pomogo rozprawić sie z toksynami w organiźmie i je dobre na rozruszani niemrawego żołōndka po nocy.
Rzekna teraz dwa słowa o ganc prostym knifie na włosy, co by sie piyknie blyszczały i nie były liche. Co jak co ale o szkuty trza dbać! Moi akurat som utrapiyniem bo to ciynki a delikatne jak cwist. Beztōż wynejduja roztomajte knify coby ich wzmonić.
Rano rychtuja se wywar – zalywōm wrzōntkiem zioła – pokrziwa, skrzyp, kora dymbu i szałwia. Dymb i szałwia raczyj polecōm brunetkōm, frelōm z jasnymi włosami myni zalecōm te dwa zielska. Tak to czeko cołki dziyń w szolce pół litrowej, co by sie zrobiył mocny wywar.
Na wieczór wyciągom torebki abo przelewom wywar przez cedzitko jak praje miałach zioła ususzone. Do tego dolywōm łeżka octu jabkowego i belontōm. Nie starejcie sie, zapach sie pryndko straci i nic nie bydzie czuć. Czasym mi sie wleje wiyncy octu i też je dobrze. Po umyciu włosiōnt po leku oblywōm se głowa wywarem i tela, fertich!
Wszyski zioła idzie kupić w aptykach, geszeftach zielarskich abo wiykszych supermarketach. Polecōm pokrziwa z zegródki ale jak miyszkocie na familokach tak jak jo, to bydzie ciyżko znejść jaki fajny krzok.
Ocet jabkowy dowo efekt zarozki, już po piyrszym użyciu włosy są zdrowsze i sie blyszczōm
Przy regularnym ônaczyniu na zicher bydziesz mieć fajne, odżywione włosienta. Co ważne, wreszcie przestanōm sie wywijać w kożdo zajta! Roboty z tym ni ma za wiela a efekty fajniste!
Jak ludzie pytajōm sie co u Cia słyszeć i sztyjc chciałabyś pedzieć że źle. Jak uważosz że mosz wiyncy powodów do bycia niezadowolonōm niż radōm. Jak sztyjc se powtarzosz że bydziesz szczynśliwo w życiu jak yno jeszcze dostaniesz to i tamto i bydziesz mieć to i to – trza przeonaczyć to myślyni.